Nista nova, nista nova
posli feste kisne vala
u pitaru lipi snova
cilo lito tu si stala
rastimane sad su ure
zatvorene gnjiju skure
sad sivotu, punon zima
okrenuta nan je prova
odrisena vec je cima
nista nova, nista nova
Pala je u more stina
i prozebli grdelini
uz gradele, kraj komina
nima ko da te zamini
i dok jugo stalno jaca
oko kuce reste draca
sve se sprema da podivja
a mi kano stara bova
plutamo bez pravog cilja
nista nova, nista nova
Uzalud privrcen foje
ca ce rec mi na sva justa
svi govore bit ce boje
barbirija vec je pusta
vaja vrime niz skaline
vonj mizerje i morbine
i briskulu dikod baci
klapa ca jos ni gotova
da ostari po bonaci
nista nova, nista nova